" नेपाल भित्र नेपाली खोज्ने बेला आएको छ , जस्तो लाग्छ मलाई । "
आजकल नेपालमा भन्दा बिदेशमा नेपालीहरु बढी भेटिन्छन , भन्नाको मतलब ज़बान युबा शक्ती ,जो नेपाललाई केही गर्न सक्छ र जो संग बल र तागत पनि छ , ती सबै बिदेशमा छन जस्तो लाग्छ मलाई । त्यसैले नेपाल भित्र नेपाली खोज्ने बेला आएको छ , जस्तो लाग्छ मलाई ।
म पनि करिब १३ बर्ष पहिला नेपालबाट पढाईको सिलसिलामा जापान आएको हु । नेपालमा छदा बिहानको पढाई अनि दिउसोको जागिर गर्ने गर्दथे । मलाई नेपालमा नै केही गर्न मन पनि थियो तर म जापान आए र अहिलेपनि जापानमा नै छु , यहि काम गरिरहेको छु ।
त्यतिबेला नेपालबाट जापान आउदा नेपालको राजनितिक परिस्थिति पनि राम्रो थिएन , साथसाथै नेपालमा केही गर्न सकिने बाताबरण पनि थिएन र मलाई लाग्छ अहिले पनि छैन । आन्दोलनको नाममा नेपाल बन्द गरिरहेका छन , हिसाब गर्ने हो भने "मलाई लाग्छ बर्ष भरि नेपाल खुल्ने दिनहरु भन्दा , नेपाल बन्द हुने दिनहरुको सन्ख्या बढि हुन्छ ।" उध्ययोग-धन्दा गर्नेहरुको कारखानामा आगो लगाईएको छ ,टर्क जलाईएको छ । खेती किसानी गर्नेहरुको दुध , साग- सब्जी बन्दका कारण कुहीएर गईरहेको छ । त्यती मात्रै काहा हो र , बिरामी हुदा एम्बुलेन्समा अस्पतालजादा एम्बुलेन्सनै जलाईएको छ , मान्छेको जिउने अधिकार पनि लुटिएको छ । केही गर्न खोज्यो नानाथरीका बाहानामा हडताल गरिएको छ ,व्याबसायकर्मीलाई व्याबसाय गर्न असहज बनाईएको छ । यस्ता कुरा हरु गरेर साध्यनै छैन । राजनिति नै व्याबसाय भएको छु ।
नेपालको राजनितिमा जहिलेपनि बुढापाकाहरुको हाबी छ ।
नयाँ पुस्तालाई केही सिक्ने मौका दिउ भन्ने नेताहरु त औलामा गन्नु पर्दछ । त्यसमाथी राजनितिक अस्थिरता थियो । बिदेशमा ग़एर पढने भन्ने लक्क्षपनि थियो र त्यो बेलाको राजनितिक परिस्थितिले गर्दा पनि बिदेश आउन पर्यो मलाई । म जस्तै जबान युबाहरु एयरपोर्टको ईमिगोर्यसनमा लाम लागेको बसेका थिए , पक्कै पनि तिनिहरुपनि बिदेश जान हिडेका हुन । १७-१८ बर्ष पुगेपछि कुन देश जानेहोला भनि ईन्टरनेटमा बिदेशको बारेमा बुझ्न शुरु गर्दछन । सकेसम्म बिदेश जानुपर्छ भनेर बुबा-आमाले अर्ती उपदेशपनि दिन्छन , छोरा-छोरीपनि बिदेशजानको लागी खोजीगरिरहेका हुन्छन ।
यस्तो बाताबरण सुजना गर्नुमा लामोसमयदेखी नेपालको राजनितिका कुडचीमा बसिराखेका ति बुढा नेताहरुको हात छ ।
देशको शक्तीलाई नेपालले किन रोक्न सकिराखेको छैन त ? , समय सकिएका ( date expire भएका ) नेता, भारतबादीनेता , कोही चीनबादीपनि होलान, त्यस्ता नेता-नेतीनीहरुबढी भएको , नेपालबादी , राष्टबादी नेता कम भएकोले आफ्नो देश भित्रको जनशक्ती बाहिर गईरह्को पत्तै पाएका छैनन जस्तो लाग्छ मलाई कि बुच पचाईरहेका छन ।
यि युबा जनशक्तिहरुले नेपालमा नै आफ्नो काम गर्न पाउने हो भने , नेपालले २-४ बर्षमा नै काचुली फेर्ने छ , जस्तो लाग्छ मलाई ।
अनि बिदेशमा ग़एर सफलता कमाइने नेपालीहरु पनि धेरै छन । नाम गनेर साध्यै छैन ,धेरै छन । कसरी ति नेपालीहरुले बिदेशमा सफलता हासिल गरे होलान त । एक पटक सोचेर हेर्नुस त ।
न त भाषा आउछ , न त त्यो देशको रहनसहन नै राम्ररी बुझेको छ , न त आफुसंग धेरै दाम नै छ । बिदेशले लगनसिल मान्छेहरुलाई , केही गर्न चाहनेहरुलाई सहयोग गरेको छ । त्यसैले आफुले भाषा नबोलेपनि , त्यहाको बाताबरण नबुझेतापनि , त्यो देशमा सफल हुन सकेका छन ।
त्यस्ता कुराहरुबाट नेपालले , नेपाली नेता भनाउदाहरुले पनि केही सिक्नु पर्ने अवश्था आएको छ ।
बिदेशमा सफलता हासिल गरेका र गर्न सक्ने नेपालीहरुलाई स्थान दिएमा , अनुशासित र कानुन मान्ने र लाग्ने देश बनाउन प्रयास गरेमा , ति बिदेशिएका नेपालीहरुपक्कै पनि नेपाल फर्कनेछन र नेपालमापनि सफलता हासिल गर्न सक्नेछन ।
केही गर हो नेता ज्युहरु , हामीहरु स्वदेश फर्कन चाहीरहेको छौ ।
No comments:
Post a Comment