कथा अनि व्यथा भाग-८: कुन समयमा कस्तो काम गर्ने

दिनहरु बित्दै जान्छ । कालिदास पनि आफूभन्दा सिनिएरहरुलाई भेटघाट गर्ने र आफ्नो आउदा दिनहरु कसरी राम्रो बनाउने भन्ने कुरा सोची राखेको हुन्छ । सुपर मार्केट र सिबुयाको रेस्टुरेन्टको कामलाइ पनि सुचारुपमा नै गरिरहेको हुन्छ ।

जापानमा घरबाट बाहिर गयो कि धेरै मान्छेहरुसंग भेटघाट हुन्छ । कुन मान्छेसंग कस्तो व्यवहार गर्ने भने कुरा आफुलेनै सोच्नु पर्दछ र कालिदासले पनि सोच्दै कुन समयमा कस्तो कुरा गर्नु पर्दछ ,कुन मान्छे लाई कुन स्थान दिनु पर्दछू भन्ने कुरा को विचार पुर्याएर कुराकानी गर्ने गर्दछ ।

जापान आएर सिकेको कुराहरुमा यो कुरा पनि एउटा हो रहेछ कालिदासको । दाईगाकुको न्युसी सिकेनको दिन पनि नजिकिदै आउछ । आफुले जसरी भएपनि दाईगाकु जाने भन्ने अठोट लिएको र यसमा केहिपनि परिबर्तन नआएको र दाईगाकुको न्युसी सिकेनको तयारी पनि राम्रो रुपमा गईराखेको हुन्न्छ ।

दाईगाकुको न्युसी सिकेनको को लागि निहोन्गो न्यूरोकु सिकेन र निहोन्गो रिउगाक्कु सिकेन को रिज़ल्ट सर्टिफिकेट, अनि न्युसी सिकेनको दिनमा स्योरोंबुन (४००- ६०० शब्दसम्मको) यसपछि मेनसेचु दिनु पर्ने हुन्छ ।

कालिदासले अर्थशास्त्र र व्यवसाय सम्बंधी बिषय पढ्ने सोच राखेको हुन्छ ।

यस बिषयमा जापानी भाषा स्कूलको सेन्सेइहरु संग पनि धेरै सोद्पूछ र रोपुरे पनि गर्दछ । न्युसी सिकेनमा जसरी भएपनि पास हुनुछ । सबभन्दा पहिलाको गोल नै त्यहि बनाएको हुन्छ । निहोन्गो न्यूरोकु सिकेन र निहोन्गो रिउगाक्कु सिकेनको रीज़ल्ट पनि राम्रो नै भएको हुनाले यस बिसयमा त्यति पिर गर्दैन त्यसै गरि स्योरोंबुनमा कत्ती पनि चिन्ता गर्दैन तर मेनसेचुमा बोल्न सक्दिन कि भन्ने पिर हुन्छ ।

मेनसेचुमा राम्रो मार्क्स ल्याउनको लागि जापानी भाषाका सेन्सेइ संगधेरै भन्दा धेरै रोपुरे गर्दछ, धेरै भन्दा धेरै तयारी गर्दछ । सेन्सेइले एउटा कुरा सिकाउनु हुन्छ ।

「習うより慣れろ」नाराउ योरी नारेरो ।

यो कुराले पनि कालिदासलाई राम्रो पाठ पढ़ाउछ । जिन्दगीका जुनसुकै पलहरुमा यो कुरा लागु होला जस्तो लाग्छ । यो न्युसी सिकेंनकोलागि मात्र नभएर कुनै कुरा गर्नु छ भने सकेसम्म घेरै अभ्यास गर्नु आबस्यकता हुन्छ । खेलाडीहरुको कुरा गर्दा पनि कुनै खेलमा राम्रो हुनु छ भने, धेरै भन्दा धेरै अभ्यास गर्नु आबस्यक हुन्छ ।

हामीहरु पनि हाम्रो जिन्दगीमा कुनै कुरामा सफल हुनु छ, सफलता हासिल गर्नु छ भने त्यससम्वन्धी धेरै भन्दा धेरै संख्यामा अभ्यास गर्नु राम्रो हुन्छ ।
कालिदासलाई पनि जापानको दाईगाकुको न्युसी सिकेनमा पास हुनुछ । त्यसको लागि मेनसेचुमा राम्रो गर्नुपर्ने हुन्छ । यहि लक्ष्यको लागि पहिला स्कूल को सेन्सेइसंग, त्यसैगरी काम गर्ने ठाउँको जापानी साथीहरु संग, आफ़ुबस्ने ठाउँ नजिकको जापानीसाथीहरु संग मेनसेचुको रोपुरे गर्दछ। दिन बित्दै जादाँ र दाईगाकुको न्युसी सिकेनको दिन आउछ ।

क्रमस:

जापानी शब्दहरु :

दाईगाकु：विश्वविद्यालय

・न्युसी सिकेन:प्रवेश परीक्षा

・स्योरोंबुन：निबंध

・मेनसेचु: अन्तरबार्ता

・सेन्सेइ:शिक्षक

・रोपुरे: Role Playing

・「習うより慣れろ」नाराउ योरी नारेरो Practice make man perfect

・(Nihongo Noryoku Siken)→जापानी भाषाको क्षमता परीक्षण गर्ने परीक्षा ।

・(Nihon Ryugaku Siken）→अन्तर्राष्ट्रिय विद्यार्थीहरूको लागि जापानी विश्वविद्यालय प्रवेशपरीक्षा ।