Saturday 12 December 2015
कथा अनि व्यथा भाग-७: नजानेको थाहा पाउनु सफलताको पहिलो खुडकिलो
कलिदासका दिनहरु बित्दै जान्छन। जापानको दाईगाकु जाने आफ्नो निर्णयमा प्रगड हुन्छ। जापानी आएको पनि करिब साढेएक वर्ष हुनु लागेको हुन्छ। निहोंगो गाक्कोको कोर्स पनि लगभग सकिसकेको हुन्छ। भाषा स्कूलबाट पनि”तपाई दाईगाकु जाने तयारी गर्नुस” भनेर भनेको हुदा, कालिदास दाईगाकु जाने तयारीमा हुन्छ।
एकदिन जापान टोकियोमा रहेको वाकामोनो नी युमेइ (जापानी युवाहरुमा प्रसिद्ध) शहर सिबुयामा घुम्न जान्छ। सिबुयाको स्टारवक्स कफी पसलमा गइ कफीको आनन्द लिरहेको हुन्छ। केहि समयपछि एउटा नेपाली जस्तो मान्छे आफ्नो नजिक आएर बस्दछ। सुरुसुरुमा त इंडियाको मान्छे होला जस्तो लाग्छ, केहि समय त्यहाँ बस्दा त्यो मान्छे त नेपाली रहेछ भन्ने थाहा हुन्छ।
२००४-२००५ तिर त नेपालीहरु पनि धेरै काम भएको कारणले गर्दा, कालिदासले पनि बोल्न मन लाग्छ अनि बोल्ने प्रयास गर्छ।
*कालिदास: हजुर नेपाली हुनुहुन्छ?
*दाजु: हजुर नेपाली हो, कसरी थाहा पाउनुभयो त? हजुर पनि नेपाली हुनुहुन्छ?
*कालिदास: हजुर म पनि नेपाली नै हु, यसो घुम्न आएको थिए, नेपाली जस्तो लगेर, बोल्न मन लगेर ।।।।
*दाजु: धन्यवाद, मलाई पनि बोल्न त मन लागेको थियो, तपाईसंग, बोल्ने प्रयास नै गर्न सकिन
*दाजु: भाइको नेपालमा घर कता पर्यो?
*कालिदास: मेरो त पश्चिम हो दाईरु हजुरको नि?
*दाजु: काठमाडौँ हो, भनेपछि जापान आएको धेरै नै भए जस्तो छ नि, कति भयो र जापान आउनु भएको?
*कालिदास: साढे एक वर्ष हुन लाग्यो दाइ, हजुर नि?
*दाजु: म त भयो ८-१० वर्ष ,
*कालिदास: हो र त्यसो भए त तपाईलै धेरै कुरा सोध्न पर्ला जस्तो छ?
*दाजु : हुन्छ नि भाइ, भैहालछ नि।
*कालिदास: हजुर अहिलेके गर्दै हुनुहुन्छ?
*दाजु : म अहिले जापानको कम्पनीमा काम गर्छु ,
*कालिदास: हो है दाइ, म त अहिले स्कूल पढदै छु, जापानी स्कूल सकेर दाईगाकु जाउ कि भन्ने तरखरमा छु, धेरै दाईहरुमा निबेदन (न्यूसी सिकेन) प्रवेश परीक्षाको निबेदन दिएको छु, धेरै दाईगाकुमा परीक्षा दिदैछु।
*दाजु : हो है, धेरै राम्रो, पद्नु पर्दछ भार्इ। यो देशमा पढने उदेश्यमा आउनेहरु सारै कम छन्, म पनि जापान आएको धेरै भै सक्यो, अहिले जापानी कम्पनीमा काम गरेको छु, यहाँ पढेको भएर होला अहिले सजिलो भएको छ। म जापान आउदा त नेपालीहरु पनि धेरै कम थिए।
म पनि जापानी स्कूलमा जापानी भाषा पढेर, जापानको दाईगाकु गएको हो, दाइगकु सकेर अहिले त काम गर्छु, तपाई जापानको दाईगाकु जना चाहनु हुन्छ भने, पनि आफ्नो घमण्ड त्याग्नुस, हामी नेपालीहरु भादी घमण्डी छौ पहिला घमण्ड त्याग्ने, अनि नजानेको कुरा स्वीकार गर्ने, मलाई लाग्छ नजानेको कुरा जान्नु (थाहा पाउनु नै ठुलो कुरा हो),
मैले यो नजानेको, थाहा नभएको कुरा थाहा भयो भने त, त्यो कुरा जान्नको लागि प्रयास त गर्न सकिन्छ नि होइन त, भनेर भन्दछ।
「आफुले नजानेको नाबुझेको कुरा थाहा पाउनु नै, सफलता तर्फको बाटोको पहिलो सिढी हो」
「知らないことに気付くことこそが、成功への第一歩である」
「सिरानाइँ कोतो नि किज़ुकु कोतो कोसोगा, सेइको ए नो दाइ इप्पो दे आर्य」
यसैगरि सम्बद जारी रहन्छ, कालिदास दाजुले भनेको कुराले धेरै मन छुन्छ, यसै गरि कालिदस का दिनहरु बित्दै जन्छन। यसक्रममा धेरै मान्छेहरु संग कुराकानीहरु गरेको हुन्छ।
क्रमस:
जापानी शब्दहरु:
दाईगाकु ⇒ विश्वविद्यालय
निहोंगो गाक्को ⇒ जापानी भाषा स्कूल
वाकामोनो नी युमेइ ⇒जापानी युवाहरुमा प्रसिद्ध
सिबुया ⇒ टोकियोको सहरको नाम
न्यूसी सिकेन ⇒ प्रवेश परीक्षा
Subscribe to:
Post Comments (Atom)
No comments:
Post a Comment